ادى كل الشوق اللى ف حبك
راح يبقى سراب من بعدك
لو ترضى القلب اللى يحبك
يسهر يتالم من بعدك
والعين اللى دايما جنبك
ما تشوف غير ظلمك غير صدك
وادى الاحلام اللى عاشها
قلبى ف عيونك ولمسها
بكفوف الشوق وحضنها
وضمت ايامى ازهارها
ماشي و فايتانى لشجونى
غارق ف وجدى ولوعتى
وروحى اللى سارحة ف ظنونى
حايرة ف العيون دمعتى
ايه اللى جنيته ايه ايه بس ذنبى
ورد الحب ليه يجرح شوكه قلبى
من صرخة ياس هدت حيلى
من دم القلب الموجوع
من زمن الحيرة اللى طال
مش باين منه رجوع
م الاحلام اللى بقالها
شكل الخوف وريحة الدموع
باكتب اشعارى
وباغنى موواويلى
ف الحب والموت والوطن
هوة الحب ايه
غير حالة شجن
والموت ايه غير لحظة شجن
والوطن ايه غير كلمة شجن
القاهرة فى
5/7/2006
5/7/2006
No comments:
Post a Comment