فاكرة كلمة "باحب" والا نسيتى يا نفس معانيها
اد ايه سكنت ف القلب واتعذب من غيرها وبيها
فاكرة كل الاماكن اللى سمعتيها فيها
حتنسى ممكن لاكن الذكرى تفكرك بيها
فاكرة ريحة الزهور
فاكرة الدفا والنور
فاكرة رعشة الشفايف
تنهيدة القلب الخايف
لترجع من غير جواب
ترجع بينا للعذاب
احنا كنا فين والا فين والا فين
رحنا والا جينا والا تهنا ف السنين
وطرقنا عرفناه مشيناه كملناه ووصلنا
اه والا لأ والا مات ع الشفايف جواب سؤالنا
آة يا ليل يا بو الغلابة المحتارين
فين قمرك يا بو الحيارى العاشقين
ماشيين ف طريق الاوهام
بنلملم دموع الاحلام
وان خطفنا م الالام
مرة ضحكاية تبقى بكام
يا ليل اسأل عن ايه والا ايه
من دة كتير ياما العمر فيه
يا ترى لو رجع بينا الزمان واتسئلنا نفس السؤال
حيكون الجواب زى اللى كان والا حتتبدل الاحوال
مع ان القلوب هية هية والانسان هوة الانسان
يبقى ليه الحيرة دية ما الجواب باين م العنوان
28/6/2006
No comments:
Post a Comment